Recent

የጀርመን ሬድዮ ስለምርጫው ከሶስት ጋዜጠኞች ጋር ያደረገው ውይይት (+Audio)

የጀርመን ሬድዮ አማርኛ አገልግሎት አምስተኛውን ዙር የፌዴራልና የክልል ምርጫ በተመለከተ ከሶስት ጋዜጠኞች ውይይት አድርጎ ነበር። የራዲዮ ጣቢያው ጋዜጠኛ ሂሩት መለሰ፡- ከየማነ ናግሽ (ሪፖርተር ጋዜጣ)፣ ከ.ይልማ ኃ/ሚካኤል (የጀርመን ሬድዮ የበርሊን ወኪል) እና ከገበያው ንጉሴ(የጀርመን ሬድዮ የብራስልስ ዘጋቢ) ጋር፤ ስለቅድመ ምርጫውና ድምፅ የተሰጠበት ሂደትና ውጤቱ እንዲሁም የወደፊት ዕጣፈንታና የውጭ ኃይሎች ሚና አስመልክቶ ውይይት አድርገዋል፡፡

በውይይቱ ከተነሱት መህል፡-

1/የማነ ናግሽ (ሪፖርተር ጋዜጣ):-

*የተቃዋሚ ተወካዮች እንዳይታዘቡ ተከልክለዋል። ውጤቱ ለጥርጣሬ ክፍት ያደርጓል።

*አባሎቻቸውን ገለልተኛ ታዛቢ ሆነው የቀረቡት የአገርውስጥ ማህበራት የፓለቲካ ድጋፍ እንዲሰጡ የተደራጁ እንጂ ገለልተኛ አይደሉም። *የውጭ ኃይሎች ላይ መንጠልጠል ጥገኛ አስተሳሰብ ነው። የጉዳዩ ዋና ባለቤት ህዝብ ነው። ህዝቡ ድምፄን ተሰርቋል ብሎ ካመነ እስከመቼ(ለምን) ቁጭ ብሎ ያያል?

*ተቃዋሚዎች በራሳቸው ለማሸነፍ አልገቡም። ተበታትነውና ዓቅመቢስ ሆነው ነበር የቀረቡት። አንድም ተቃዋሚ በተወዳደረባቸው ቦታዎች በሙሉ ቢያሸንፍ መንግስት ለመመስረት የሚችል አልነበረም።

* በእኛ ዓይነት ብዝኃ-ህብረሰብ ውስጥ በዚህ ደረጃ ማሸነፍ አይቻልም። አንድም ድርጅት እንዲህ ዓይነት የአስተሳሰብ አንድነት መፍጠር አይቻለውም። ውጤቱ ለኢህአዴግ አስደንጋጭ እንጂ መልካም ነገር አይደለም።ድርጅቱ ያየዘው አቋም መፈተሽ አለበት።

*ተቃዋሚዎችን በማድቀቅ ሳይሆን ሜዳውን ክፍት አድርጎ በተሻለ አስተሳሰብ ለመብለጥ መስራት አለበት።

*ነገሩ ሂዶ ሂዶ ወዴት እንደሚያደርሰን አይታወቅም። —–

2/ ይልማ ኃ/ሚካኤል (የጀርመን ሬድዮ የበርሊን ወኪል)፡-

*ማን አሸናፊ ሆኖ እንደሚወጣ ሳይታለም የተፈታ ነበር።

*የሸንጎ ምርጫ ከኳስ ጨዋታ ጋር እኩል ነው። ገለልተኛ ዳኛና ሜዳ በሌለበት አይደረግም።

*ተቃዋማ ፓርቲዎች ምንም ተስፋ አልነበራቸውም።Logo - Deutsche Welle (DW)

*ዕርዳታ ሰጪ ምዕራባዊያን ዓይናቸውን ሳይጨፍኑ “ምንድን ነው የምናደርገው?” የሚሉበት ግዜ ደርሷል።

*መሰረታዊ ህገመንግስታዊ መብቶች የጣሰ ነው። —–

3/ ገበያው ንጉሴ(የዶቸቨሌ የብራስልስ ዘጋቢ):-

*ውጤቱ ቀድሞ የታወቀ ነበር።ለገዢው ፓርቲ ስልጣን ከማረጋገጥ ያለፈ ትርጉም የለውም። ታዛቢ ኖረም አልኖረም አንድ መራጭ ነፃ ሆኖ ድምፁ የሚሰጥበት የፓለቲካ ድባብ ከሌለ ምርጫ ተካሄደ ማለት አይቻልም።

*የኢህአዴግ የውስጥ ባህሪ ምርጫ የሚፈቅድ አይደለም።

*ለምርጫ ተብሎ ግዜና ገንዘብ ከማባከን ይልቅ የአውራ ስርዓት ዝምብሎ ቢቀጥልና የሚሆነውን ብናይ።

*ተቃዋሚዎችም ቁጭብለው ውስጣቸው ቢፈትሹ።

*ምዕራባዊያን ለእኛ ምጥን ዲሞክራሲ ነው ያላቸው። ወይም ለእኛ ደንታ የላቸውም። “የኢህአዴግ ታጋዮች የሞቱለትን ዓላማ ይህንን ዓይነቱ ምርጫ ለማድረግ ነበር ወይ!?”- የገበያው የመጨረሻ ጥያቄ ነው፡፡

——–

ሙሉውን ውይይት ከታች ባለው የድምጽ ፋይል ላይ ያድምጡ፡፡

***************

HornAffairs
About HornAffairs (160 Articles)
HornAffairs' staff

1 Comment on የጀርመን ሬድዮ ስለምርጫው ከሶስት ጋዜጠኞች ጋር ያደረገው ውይይት (+Audio)

  1. how possible to have a fair and free election in front of a biased soldiers???????????????

Leave a comment

Your email address will not be published.


*